బుచ్చి పట్టణాభివృద్ధిలో భాగస్వాములు కండి - ఎమ్మెల్యే ప్రశాంతి రెడ్డి

బుచ్చి పట్టణాభివృద్ధిలో భాగస్వాములు కండి

బుచ్చిరెడ్డి పాళెం అభివృద్ధి కాంక్షిస్తూ తనతో కలిసి నడిచిన కౌన్సిలర్లకు ఎమ్మెల్యే వేమిరెడ్డి ప్రశాంతి రెడ్డి గారు ధన్యవాదాలు తెలిపారు. బుచ్చి పట్టణంలో నూతనంగా నిర్మిస్తున్న మార్కెట్ సముదాయ నిర్మాణ పనులకు ఆమె శంఖుస్థాపన చేశారు. ఈ సందర్భంగా ఎమ్మెల్యే ప్రశాంతి రెడ్డి గారు మాట్లాడుతూ గత కొన్నేళ్లుగా స్తంభించిన బుచ్చి అభివృద్ధిని తిరిగి గాడిలో పెట్టేందుకు స్థానిక కౌన్సిలర్లు నాయకులు తనతో సహకరించాలని కోరారు. ఈ మార్కెట్ కాంప్లెక్స్ నిర్మాణం ద్వారా 60 కి పైగా కుటుంబాలకు ఉపాధి దొరకడమే కాకుండా బుచ్చి నగర పంచాయతికి ఆదాయ వనరుగా మారుతుందన్నారు. దాదాపు 2 కోట్ల రూపాయలు CSR నిధులు వెచ్చించి బుచ్చి అభివృద్ధిలో భాగస్వాములైన తేజూ డెవలపర్స్ యాజమాన్యానికి ఎమ్మెల్యే ప్రశాంతి రెడ్డి గారు ధన్యవాదాలు తెలిపారు. వ్యాపారులకు అసౌకర్యం కల్గకుండా ఈ మార్కెట్ సముదాయాన్ని వీలైనంత త్వరగా నిర్మించ వలసిందిగా కోరారు. ఈ కార్యక్రమంలో బుచ్చి నగర పంచాయతి కమీషనర్ చంద్రశేఖర్ రెడ్డి, బుచ్చి మున్సిపల్ ఛైర్ పర్సన్ మోర్ల సుప్రజ, వైస్ ఛైర్మెన్లు యరటపల్లి శివ కుమార్ రెడ్డి, నస్రీన్ ఖాన్, కౌన్సిలర్లు ప్రత్యూష, పుట్టా లక్ష్మి కాంతమ్మ , తాళ్ళ వైష్ణవి తదితరులు పాల్గొన్నారు.