నిరుపేద కుటుంబాల నుంచి అమెరికా అధ్యక్ష భవనంలో ఏపీ విద్యార్థి ప్రతినిధి బృందం

- నిరుపేద కుటుంబాల నుంచి అమెరికా అధ్యక్ష భవనంలో ఏపీ విద్యార్థి ప్రతినిధి బృందం.

- ప్రపంచ వేదికలపై ప్రసంగాలతో మొదలై USA వైట్ హౌస్ తో ముగిసిన విద్యార్థుల పర్యటన.

- మేము ఆంధ్రప్రదేశ్ బ్రాండ్ అంబాసిడర్లుగా ఉంటూ మా ముఖ్యమంత్రిని గర్వించేలా చేస్తామని హామీ ఇస్తున్నాము విద్యార్థి ప్రతినిధి బృందం.

అమరావతి జనసాక్షి  :ఏపీ ప్రభుత్వ పాఠశాల విద్యార్థి బృందం 2 వారాల అమెరికా పర్యటన విజయవంతంగా ముగిసింది. ఈ పర్యటనలో చివరి రోజున ఆంధ్రప్రదేశ్ ప్రభుత్వ పాఠశాల పిల్లలు వైట్ హౌస్ (అమెరికా అధ్యక్షుడి అధికారిక నివాసం మరియు కార్యాలయం) సందర్శించారు. నిరుపేద కుటుంబాలకు చెందిన ఈ విద్యార్థులు కేవలం ప్రతిభ ఆధారంగా సప్త సముద్రాలు దాటుకుని అమెరికా అధ్యక్ష భవనాన్ని సందర్శించారు. ఈ పర్యటనలో పిల్లలు న్యూయార్క్‌లోని UN ప్రధాన కార్యాలయంలో ఐక్యరాజ్యసమితి SDG శిఖరాగ్ర సమావేశానికి హాజరయ్యారు. అనంతరం ప్రతిష్టాత్మక కొలంబియా విశ్వవిద్యాలయంలో సెమినార్‌కు హాజరయ్యారు. UNGA సందర్భంగా నిర్వహించిన అంతర్జాతీయ యువజన సదస్సులో కూడా పాల్గొన్నారు. ఆ తరువాత పిల్లలు వాషింగ్టన్ లోని ప్రపంచ బ్యాంక్ ఉన్నతాధికారుల ఆతిథ్యం స్వీకరించి పలు అంశాలపై చర్చలు జరిపారు. అమెరికాలోని US డిపార్ట్‌మెంట్ ఆఫ్ స్టేట్‌తో సమ్మిలిత అభివృద్ధిపై చర్చలు జరిపారు. ఆ తర్వాత IMF మొట్టమొదటి భారత సంతతికి చెందిన డిప్యూటీ మేనేజింగ్ డైరెక్టర్ గీతా గోపీనాథ్ మరియు IMFలో ఎగ్జిక్యూటివ్ డైరెక్టర్ ఆఫ్ ఇండియా కె సుబ్రమణియన్‌తో సహా అంతర్జాతీయ ద్రవ్య నిధిలోని ఉన్నతాధికారులతో జరిగిన సుదీర్ఘ సమావేశంలో విద్యార్థులు పాల్గొన్నారు.

10 మంది సభ్యుల విద్యార్థి ప్రతినిధి బృందం ఈ యాత్ర తమను ప్రపంచ స్థాయి సంస్థలకు బహిర్గతం చేయడమే కాకుండా పెద్ద కలలు కనేలా చేసింది. ఆంధ్రప్రదేశ్‌కి బ్రాండ్ అంబాసిడర్‌లుగా ఉంటామని ఈ సందర్బంగా వాగ్దానం చేస్తున్నాము. ఈ విశిష్టమైన, చారిత్రాత్మకమైన కార్యక్రమానికి ముఖ్యమంత్రి జగన్‌మోహన్‌రెడ్డి, విద్యాశాఖ మంత్రి బొత్స సత్యనారాయణ, విద్యాశాఖ ప్రిన్సిపల్‌ సెక్రటరీ (విద్య) ప్రవీణ్‌ ప్రకాష్‌, విద్యాశాఖ కమిషనర్‌ సురేష్‌ కుమార్‌"లకు విద్యార్థి ప్రతినిధి బృందం ప్రత్యేక కృతజ్ఞతలు తెలిపింది.

ఈ విద్యార్థి ప్రతినిధి బృందానికి సమగ్ర శిక్షా రాష్ట్ర ప్రాజెక్ట్ డైరెక్టర్ బి. శ్రీనివాసరావు (ఐఎఎస్) నాయకత్వం వహించారు. KGBV కార్యదర్శి డి.మధుసూధనరావు నోడల్ అధికారిగా ఉన్నారు. నార్త్ అమెరికా కోసం AP ప్రభుత్వ ప్రత్యేక ప్రతినిధి రత్నాకర్ పండుగాయలతో సమన్వయంతో యాత్రను విజయవంతం చేశారు. ఐక్యరాజ్యసమితిలోని ECOSOC ప్రత్యేక కన్సల్టేటివ్ స్టేటస్ సభ్యుడు వున్నవా షకిన్ కుమార్‌ ఈ బృందం యాత్రలో సంప్రదించారు. ఇద్దరు ఉపాధ్యాయులు, వి. విజయ దుర్గ, కె వి హేమ ప్రసాద్ కూడా విద్యార్థులకు మార్గదర్శకులుగా ఉన్నారు.

 విద్యార్థుల  ఎంపిక ప్రమాణాలు....

వ్రాత పరీక్ష_: అన్ని ప్రభుత్వ పాఠశాలల నుండి SSC పబ్లిక్ ఎగ్జామినేషన్ 2023లో అత్యధిక మార్కులు సాధించిన 103 మంది ప్రతిభావంతులైన విద్యార్థులు మొదట షార్ట్‌ లిస్ట్ చేయబడ్డారు. ఆ తర్వాత వారిని 31-07-2023న రాత పరీక్ష నిర్వహించారు.

కమ్యూనికేషన్ స్కిల్స్_: రాత పరీక్ష తర్వాత, 02-08-2023న నిర్వహించిన స్పీకింగ్ టెస్ట్ కోసం 1:3 నిష్పత్తిలో 30 మంది అభ్యర్థులు షార్ట్ లిస్ట్ చేయబడ్డారు.

 చి

వరగా కమిటీ 30 మంది అభ్యర్థుల నుండి 10 మంది విద్యార్థులను ఎంపిక చేసింది.